Lukt reiser på luft. Det høyrest enkelt ut, men å verkeleg forstå og bruke luftstraum aktivt i nosework er noko av det som skil ekvipasjane frå kvarandre.

Dette kurset tek utgangspunkt i korleis partiklane beveger seg, og gjev deg verktøy for å lese og støtte hunden din betre — og leggja til rette for meir målretta trening.
Kurset passar for alle, enten du er ny i nosework eller har drive på i fleire år. Prinsippa er dei same, men det er alltid noko nytt å henta når du byrjar å sjå på vind og trekk som ein aktiv del av søket.

Me startar med teori, korleis lukt sprer seg, kva vind, temperatur og terreng gjer med partiklane, og kva du skal sjå etter når hunden søkjer. Deretter går me ut og vurderer søksområder, faktorar som påverkar spredninga og korleis me best tilrettelegg.

To veker seinare møtast me att. Då aukar me på med fleire utfordringar, og me brukar ulike verktøy for å hjelpe oss “sjå” kva som skjer.

Me startar kl 1700 og held på i ca fire timar kvar gong ved full gruppe. 26. august og 9. september.
Me trenar i hovudsak utandørs og kryssar fingre for å få litt vind, i leiren i Arna, men kan vere me møtes andre stader i arnaområdet.

Ekvipasjen må vere kjent med alle noseworkluktene for å delta.

Nosework instruktørkurs

Vil du bli nosework-instruktør?
Har du eit grunnleggande instruktørkurs i botn, har gått nosework nybegynnerkurs hjå godkjend instruktør, og har blitt hekta på nosework?

Gjennom fire helger og over eit drøyt halvår, vil du bli meir kjend med det grunnleggande fundamentet i Nosework.