Blått merke!

Me inviterar til Blått merke i Arna!

14. juli kl 18:00

Merker er ei ny aktivitetsform frå Nosework Norge. Det er ei litt meir uhøgtidleg bestått/ikkje bestått prøve der ekvipasjen berre “konkurrerar” mot seg sjølv.

Prøva vert gjord som tre søk, der minst to av dei fire søksmomenta i Nosework er inkludert. Kvart søk har ei makstid på tre minutt. Det er eitt funn i kvart søk og ekvipasjen må gjere funn i alle tre for å få godkjend Merke.

Førar må vera medlem av Nosework Norge. Det er ikkje krav til bestått LGT av noko slag. Førar kan berre delta med ein hund.

Tema for blått merke er “lar du deg lure?”.
Her prøver me legge utlegg på litt nye og uventa stader, for hund eller førar.

Alle nosework-duftene kan bli brukt.

Testar ut automatisk opning av billettar, opningstidspunkt er satt til 15. juni kl 12:00.
Dersom du ser påmeldingsskjema før den tid kan du likevel melde deg på og det vil vere gyldig.