Interessepåmelding – Nosework instruktørkurs

Er du den neste Nosework-instruktøren på vestlandet?

Nosework veks stadig, og behovet for dyktige, trygge instruktørar som brenn for hundens meistring har aldri vore større.

Kvifor setje deg på interesselista?

Plassane på instruktørkursa vert ofte fylte opp raskt. Ved å melde di interesse no, får du:
✅ Førsterett på påmelding når datoane vert offisielle.
✅ Detaljert info om kursinnhald og krav før alle andre.
✅ Hjelp meg å skreddarsy dei praktiske detaljane (stad/tid) så det passar best mogleg for dykk som faktisk skal gå.

Påmelding til interesselista gir ingen forplikting til å melde på til instruktørkurset seinare.

Kven er du?
Du bur truleg på vestlandet, og har eit generelt instruktørkurs i botn. Du har interesse for og erfaring med forskjellige typar hundar, og har eller har snart tenkt å gå nybegynnerkurs i Nosework. Du har og lyst til å ta steget vidare til å inspirere og rettleie andre.

Kva vil eg vite?
Skriv gjerne litt i kommentar om kva erfaring du har frå før, kva område du bur i, og om det passar for deg å starte opp til hausten (sept-nov) eller over vinteren att.

👇 Meld di interesse her.